Baxin

Baxin a wahn maashal aat ahn kombat spuot we tuu piipl chruo ponch a wananeda, yuujali wid globz aan. Istarikali, di guol a fi wiikn ahn nakdong di opuonent.

Tuu Rayal Nievi man a-bax fi chariti. Di madan spuot eh-kuodifai ina Ingglan.

Amatior baxin a buot Olimpik ahn Kamanwelt spuot ahn a kaman fixcha ina muos intanashinal giemz—iazwel ab iwuona Wol Champianship. Baxin syuupavaiz bai wahn refarii uoba a siiriz a wan- tu chrii-minit intaval kaal rong. Di rizolt disaid wen wan opuonent diim inkiepebl fi kantiniu bai a refarii, diskualifai fi brok ruul, rizain bai chruo iin di towil, ar pronongx di wina ar luuza bies pah di joj skuorkyaad a di hen a di kantes. Ina di ivent buot faita gien iikual skuor frahn di jojdem, di fait kansida a jraa (profeshanal baxin). Ina Olimpik baxin, juu tu di fak se a wina mos diklier, ina di kies a jraa - di jojdem yuuz teknikal kraitiiria fi chuuz di muos dizorvin wina a di bout.