Bedwadizam, muo prapa di Jumieka Nietiv Baptis Frii Choch, ena wah rilijos muuvment a Jumieka. Iweh foun a Aagos Tong, Sint Anju Parish, ina 1889 bai Arisn "Shiekspier" Udz, wah Afrikan-Amoerkan imigrant tu Jumieka, ah niem aafa Aligzanda Bedwad (1859-1930), uu weh-refa tu az "Dat Prafit" ah "Shepad." A weh wan a di muos papila Afro-Jumiekan politiko-rilijos muuvment frah di 1890z tu di 1920z. Bedwadizam achak ten-ten touzn falara wid kaal fi suoshal jostis, azwel suoshoikanamik pruogram fi di luowa klaas.

Bedwadian lichicha diskraib Bedwadizim az wah nyuu rilijan, di Soxesa tu Kristianiti ah Juudizim. Ousomeba, di akchual tiichin no moch difrah frah wa muos Kristian dinaminieshan tiich, we schres di impuotansfi rekanaiz Jiizas Krais az buot Gad ah man az paat a di Chriniti, azwel az friikuent faastin. Iibm so, bikaa di muuvment kompier di ruulin klaasdem tu di Farisii, deh disapruuv dem ah aal sopres dem. Wan a di fyuu yuuniik kansep a Bedwadizim a di biliif se Aagos Tong, Jumieka karispan tu Jiruusilem fi di Westan wol[1][2][3][4]. Bedwad imself kliem sohtaim fi bi di riinkaanieshan a di prafitdem ingkluudn Muoziz, Juona ah Jan di Baptis, ah di kuot ruul se im insien pah tuu okiejan. Di muuvment dedout ina 1921 afta Bedwad ah nof onjrid a ih falaradem maach gaa Kinston, we ih fiel fi pruuv ih kliem fi kiah asen gaa Ebm, ah nof smadi get ares.

Refrans change up

  1. A. A. BROOKS. (1917). History of Bedwardism —OR— The Jamaica Native Baptist Free Church, Union Camp, Augustown, St Andrew, JA., B.W.I.. JAMAICA: THE GLEANER CO., LTD.,. pp. 31 Pages. http://kobek.com/bedwardism.pdf. 
  2. Stan Simpson and David Person (2003). Home away from Home:Africans in Americas Volume1 Ch19 Land of Maroons. Institute for Advanced Journalism Studies. http://www.ncat.edu/iajs/research/Africans_in_Americas_Volume1/Ch19_Land_of_Maroons.pdf. 
  3. [[{{{authorlink}}}|Satchell, Veront]]. "Jamaica {By Veront Satchell, Africana.com, 1999}." (web) Nuoroda tikrinta 2008-01-27.
  4. [[{{{authorlink}}}|Lewis, Rupert]]. "Marcus Garvey and the Early Rastafarians: Continuity and Discontinuity." (web) Ganja in Jamaica is a unit of the 'Disparities in Law and Power' project of the Interactive Science Group, an affiliate of the Research Institute for the Study of Man, in New York.. www.rism.org. Nuoroda tikrinta 2008-01-27.