Uopm mien menyuu

Wikipidia β

Tablit we kantain fragment a di Epik a Gilgamesh

Epik puoym, epik (frah Latn epicus, frah di Ienshint Griik ajitiv epikos, frah epos,[1] "wod, tuori, puoym"[2]), epos (frah Latn epos, fra Griik epos[3]), ar epopee (frah French épopée, frah nio-Latn epopoeia [4]) a lenti naritiv puoym, aadinerili kansoernin siiros sobjek we kantien ditiel a eruoyk diid ah ivent signifikant tu wah kolcha ar nieshan.[5] Milman Pari (Milman Parry) ah Alboert Laad (Albert Lord) aagiu se di Uomerik epikdem, di hoerlies wok a Westan lichicha, weh fondamentali wah uoral puoytik faam. Demaya wok faam di biesis a di epik jaahra ina Westan lichicha. Nieli aal a Westan epik (ingkluudn Voerjil Enyiid (Virgil's Aeneid) ah Danti Divain Kamedi (Dante's Divine Comedy) self-kanshosli prizent iself az kantiniuyeshan a di chradishan we eh-bigin bai demya puoym. Klasikal epik implai daktilik examita ah rikount wah joerni, aida fizikal (tipifai bai Odisios ina di Adisi) ar mental (tipifai bai Akiliiz ina di Iliad) ar buot. Azwel epik ten fi ailait kolcharal naam ah fi difain ar riez kuestian bout kolcharal valyuu, potikiula az deh potien tu eroizim.

Aneda taip a epik puoychri a epyllion (pluural: epyllia), we a briif naritiv puoym wid a ruomantik ar mitolajikal tiim. Di toerm, we miin "likl epik", eh-kom ina yuus ina di naintiint senchri. Irefa praimerili tu di erudait, shaata examita puoym a di Elenistik piiriad ah di simila wok kompuoz a Ruom frah di iej a di nioterik; tu wah lesa digrii, di toerm ingkluud soh puoym a di Ingglish Renesans, potikiula demde we influens bai Uovid. Di muos fiemos egzampl a classical epyllion mosa Kiatulos (Catullus) 64.

Som a di muos fiemos egzampl a hepik puoychri ingkluud di ienshent Indian Ramayana ah Mahabarata, di Ienshent Griik Iliad ah di Adisi, fi Voerjil Enyiid, fi Danti Divain Kamedi, fi Jan Miltan Paradais Laas, ah di Puotigiis Lusiad.

RefrensEdit

  1. "epic". Oxford English Dictionary (3rd ed.). Oxford University Press. September 2005. (Sobskripshan ar UK poblik laibri membaship rikwaya.)
  2. Epic Online Etymology Dictionary
  3. "epos". Oxford English Dictionary (3rd ed.). Oxford University Press. September 2005. (Sobskripshan ar UK poblik laibri membaship rikwaya.)
  4. "epopee". Oxford English Dictionary (3rd ed.). Oxford University Press. September 2005. (Sobskripshan ar UK poblik laibri membaship rikwaya.)
  5. Michael Meyer, The Bedford Introduction to Literature (Bedford: St. Martin's, 2005), 2128. ISBN 0-312-41242-8.