Inkiandesent lait bolb
Inkiandesent lait bolb, inkiandesent lamp ar inkiandesent lait gluob a wah ilekchik lait wid wah waya filament iitop tu ai tempicha, bai paas wah ilekchik korant chuu it, antel igluo wid vizebl lait (inkiandesens). Di at filament protek frah axidieshan wid wah glaas ar kwaats bolb we fulop wid inoert gias ar ivakiuet. Ina alojen lamp, filament ivaparieshan privent bai a kimikal pruoses we riidipazit metal viepa pah di filament, so hexten ilaif. Di lait bolb soplai wid ilekchik korant bai fiid-chuu toerminal ar waya himbed ina di glaas. Muos bolb yuuz ina sakit we provaid mikianikal supuot ah ilekchikal kanekshan.
