Jaaj Wiliam Gaadn
Jaaj Wiliam Gaadn ar George William Gordon (1820 – 23 Aktuoba 1865)[1] wena Jumiekan binizman, majischriet a palitishan uu wena wah liidn kritik a di palisi a di gobna a Jumieka Edwad Ier (Edward Eyre). Pah Ier aada, ih weh-exikyuut afta di Morant Bie Ribeliyan. Gaadn exikyuushan eh-kriet big kas-kas ina Britn, ah sebral atemp eh-mek fi chaaj Ier wid moerda. Pah di sintiiniri a ih det, deh weh-prokliem Gaadn az wan a di Nashinal Iiro a Jumieka.
George William Gordon
Posnal infamieshan
Profeshnal infamieshan
Muuvment: friidom
Hoerli laif change up
Gaadn wena di sekan a iet pitni baan tu wah Skatish plaanta, Juozif Gaadn (Joseph Gordon)[2] (1790?–1867) ah wah mulato sliev, An Rachre (Ann Rattray, 1792? – bifuo 1865).[3] Ih weh self-edikiet, ah don-tiich ihself fi riid, rait, ah du simpl akountin. Wen im a ten ier uol, Gaadn eh-lou fi go lib wid ih gadfaada, Jiemz Dieli (James Daly) a Blak Riva. Widin wan ier, Gaadn taat wok ina Dieli bizniz. Gaadn ton biznizman ihself ah lanuona ina di parish a Sin Tamas-ina-di-Iis (St. Thomas-in-the-East).[4] Ih siblindem a Mieri An Gaadn (Mary Ann Gordon, 1813?), Maagrit Gaadn (Margaret Gordon 1819?), Janet Izabela Gaadn (Janet Isabella Gordon, 1824?), Jan Gaadn (John Gordon, 1825?), Jien Gaadn (Jane Gordon, 1826?), An Gaadn (Ann Gordon, 1828?) ah Ralf Gaadn (Ralph Gordon, 1830).
Palitikal kiarier ah det change up
Az memba a di Ous a Asembli Gaadn akwaya di repitieshan az kritik a di koluonial gobament, espeshal Gobna Eyre, ina di migl-1860z. Ih mentien karispandens wid soh Ingglish ivanjelikal kritik a koluonial palisi. Ih azwel eh-extablish ih uona Nietiv Baptis Choch, we Paal Buogl ena diikan.[5] Anbinuons tu aal a dem deh taim de, ina Mie 1865 Gaadn eh-atemp fi poerchis wah ex-Kanfedaret skuuna kaa ih ena-plan fi feri aamz ah amiunishan frah di Yunaitid Stiet a Amoerka.[6]
Ina Aktuoba 1865, afta di Morant Bie Ribelian we eh-liid bai Buogl, deh eh-tek Gaadn frah Kinston, we mashalaa neh de ina fuos, gaa Morant Bie, we iweh de. Deh chrai im fi ai chriizn bai kuot maashal, widoutn juu pruoses a laa, sentens im tu det ah exikiyuut im pah 23 Aktuoba. Gaadn det ah di bruutaliti a Ier sopreshan a di rivuolt ton di afier ina cause célèbre ina Britn. Jan Stiuwat Mil (John Stuart Mill) ah adaels libaral ena-siik fi ab Ier (ah adawandem [7]) prasikiut, bot deh neba soksesful. Wen demde atemp fiel, deh bringop sivl prosiidin gens im.[8]
Repitieshan ah legisi change up
Ina di aftamat a di lieba ribelian a 1938, Gaadn eh-kom fi bi rigyaad az wah priikoersa a Jumiekan nashinalizim. Dis eh-elp bai di plie Jaaj Wiliam Gaadn (George William Gordon) ba Raja Mies (Roger Mais), we eh-kompier Gaadn det tu di sakrifais a Jiizas. Ina 1965, Gaadn ah Buogl eh-prokliem Nashinal Iiro ina soermani a Morant Bie. Wen Jumieka desimalaiz ikoransi ina 1969, a fi Gaadn picha put pah di ten-dala nuot (nou ina wah kain).
Di Paaliment a Jumieka miit ina Gaadn Ous, bil ina 1960 ah niem ina ih memri.[9]
Jaaj Wiliam Gaadn niem menshan ina di sang "Inasent Blod" (Innocent Blood) azwel ina "Si dem a-kom" (See them a come) bai di rege ban Kolcha (Culture), ina di sang "Silva Tong Shuo" (Silver Tongue Show) bai Grongdieshan (Groundation), "Gi Tangx ah Priez" (Give Thanks and Praise) bai Rai Rieyan (Roy Rayon), ina "Pridikshan" (Prediction) ah "Baan Fi Ribel" (Born Fe Rebel) bai Stiil Pols (Steel Pulse), ah ina "Fiwi Jumiekan Nashinal Iiroz" (Our Jamaican National Heroes) bai Aris Andi (Horace Andy).
Refrans change up
- ↑ "George William Gordon", Jamaica Information Service.
- ↑ "National Heroes", The National Library of Jamaica.
- ↑ George William Gordon Website
- ↑ "National Heroes" Jis.gov.jm, accessed 2012-09-21.
- ↑ "Jumiekan Nashinal Iiroz" Archived 2016-03-13 at the Wayback Machine Jamaica National Heritage Trust, Jnht.com, accessed 2012-09-21.
- ↑ Handford, Peter. "Edward John Eyre and the Conflict of Laws" Archived 2015-07-05 at the Wayback Machine, Melbourne University Law Review, 2008, piej 822 - 860, akses 2015 Julai 5.
- ↑ Spisifikali Koernel Abakrambi Nelson ah Leftenant Oerboert Bran (Colonel Abercrombie Nelson and Lieutenant Herbert Brand) (Hanford, page 841).
- ↑ Kansoernin di sivl prosiidin, si Phillips v Eyre (1870) LR 6 QB 1
- ↑ "History of Jamaica's Legislature", Japarliament.gov.jm akses 2012-09-21.