Mahayaana

Mahayaana (महायान mahāyāna, litarali di "Griet Viikl") a wan a tuu (ar chrii, anda som klasifikieshan) mien egzisin branch a Budizim ah wah toerm fi klasifikieshan a Budis filasafi ah praktis. Di Budis chradishan a Vajrayaana sohtaim klasifai az paat a Mahayaana Budizim, bot soh skala maita kansida se a difrah branch aaltugiada.^[1]

Askaadn tu di tiichin a Mahayaana chradishan, "Mahāyāna" azwel refa tu di paas a di Badizatva we siik kompliit inlaitnment fi di benifit a aal sentient biin, adawaiz kaal "Bodhisattvayāna", ar di "Badizatva Viikl".^[2]^[3] Badizatva uu akomplish dis guol kaal a "samyaksaṃbuddha", ar "fuli inlaitn Buda". A samyaksaṃbuddha kiah extablish di Daama ah liid disaipl tu inlaitnment. Mahayaana Budis tiich se inlaitnment kiah bi atien ina singgl laiftaim, ah dis kiah bi akomplish iibm bai liepoersn.^[4]

Di Mahayaana chradishan a di laajis mieja chradishan a Budizim we egzis tide, wid 53.2% a praktishana, kompier tu 35.8% fi Teravaada ah 5.7% fi Vajrayaana ina 2010.^[5]

Chuu di kuos a i ischri, Mahayaana Budizim pred frah India tu difrah-difrah Sout, Iis ah Soutiis Iejan konchri laka Banggladesh, Nepal, Buutan, Chaina, Taiwan, Mangguolia, Koria, Japan, Vietnam, Indoniija, Malieja ah Singgapuor. Mieja chradishan a Mahayaana Budizim tide ingkluud Chaini Chan, Korian Sion, Japaniiz Zen, Pior Lan, Tiantai, ah Nichiren. Ikiah ingkluud azwel di Vajrayaana Budis chradishan a Shingon, Tendai ah Tibetan Budizim, we had esoterik tiichin tu di Mahayaana chradishan.

Refrans

↑ Buddhism: Description of the Vajrayāna tradition Religious Tolerance, Ontario Consultants on Religious Tolerance, axes 26 November 2014
↑ Damien Keown (2003), A Dictionary of Buddhism, Oxford University Press, p. 38
↑ "The Mahayana, 'Great Vehicle' or 'Great Carriage' (for carrying all beings to nirvana), is also, and perhaps more correctly and accurately, known as the Bodhisattvayana, the bodhisattva's vehicle." - Warder, A.K. (3rd edn. 1999). Indian Buddhism: p. 338
↑ Mahayana Buddhism: What is Mahayana Buddhism? religionfacts.com, axes 11 June 2015
↑ Johnson, Todd M. ah Brian J. Grim The World's Religions in Figures: An Introduction to International Religious Demography axes 2 September 2013, Wiley-Blackwell, Hoboken, NJ, p.36

[1] Buddhism: Description of the Vajrayāna tradition Religious Tolerance, Ontario Consultants on Religious Tolerance, axes 26 November 2014

[autogenerated38-2] Damien Keown (2003), A Dictionary of Buddhism, Oxford University Press, p. 38

[3] "The Mahayana, 'Great Vehicle' or 'Great Carriage' (for carrying all beings to nirvana), is also, and perhaps more correctly and accurately, known as the Bodhisattvayana, the bodhisattva's vehicle." - Warder, A.K. (3rd edn. 1999). Indian Buddhism: p. 338

[4] Mahayana Buddhism: What is Mahayana Buddhism? religionfacts.com, axes 11 June 2015

[5] Johnson, Todd M. ah Brian J. Grim The World's Religions in Figures: An Introduction to International Religious Demography axes 2 September 2013, Wiley-Blackwell, Hoboken, NJ, p.36

[1]

[2]

[3]

[4]

[5]