Malika Kiapo Renalz
Malika Renalz, OD (10 Febiweri 1911 - 24 Febiweri 1989), nuo beta bai ih asyuum niem "Kiapo", wena Jumiekan aatis ah rilijos liida. Ih kansida az wan a di grietis aatis ina Jumieka "Intyuitiv" aatistik muuvment. Kiapo rilijos biliif eh riflek ina ih wok.
Kiapo inna Hills Galleries a Kinston, 1957
Posnal infamieshan
Ded: 24 Febiweri 1989
Nashinaliti: Jumiekan
Profeshnal infamieshan
Muuvment: Zayan Rivaival
Bayagrafi
change upBaan az Mallica Reynolds a Binlas (Byndloss), Sin Kiachrin pah 10 Febiweri 1911,[1] a iej 12, Renalz ab wah rilijos expiiriens ah ih bigin go bai di niem "Kiapo".[2] A iej 16, ih get vijan ah ih ton priicha. Ih lieta muuv gaa Kinston, we ih foun wah Zayan Rivaival choch, Sin Maikal Rivaival Apastalik Tabanakl.[3] Kiapo wena liida ina di Zayan Rivaival muuvment, ah frah 1976 tel ih det, ih ena di piechryaak Bishop a Sin Maikal Rivaival Apastalik Tabanakl.[2]
Ih bigin kriet pientin ina die 1940z, ah ih raiz tu nashinal ah intanashinal akliem ina di 1960z. Edwad Siaga, wah powaful palitishan uu wuda gwaan fi ed di Jumieka Lieba Paati ah lieta ton Praim Minista a Jumieka, ah Jan Pringgl, wan a di founda a di Jumiekan tuurizam indoschri, eh buot champian fi Kiapo wok.[3] Pringgl eh kalek nof a Kiapo wok, ah ih doniet ih kalekshan tu di Nashinal Gialari a Jumieka pah ih det.[4] Raboerta Flak, wah Amoerkan myuuzishan, ena wan a Kiapo piechran, ah ih puochret a har nou huol bai di American Folk Art Museum.[2] Ih wokdem exibit intanashinali, ingkluudn six exibishan ina di Yunaitid Stiet bitwiin 1953 ah 1982.[1]
Askaadn tu ih rilijos biliif, Kiapo biliiv se ih weh kaal bai gad fi kriet pientin ah skolpcha.[2] Dr. Veerle Poupeye, di Egzekiutiv Direkta a di Nashinal Gialari a Jumieka, rait se "Kiapo pientin ah skolpcha, az a wuol, dipik ih Zayan Rivaival laif wol".[3] Poupeye nuot se wuoliip a Kiapo wok dipik Zayan Rivaival serimoni, myuusik, ah dans.[3] Kiapo ingkluud az memba a di "Intyuitiv" aatistik muuvment; a liebl prapagiet bai di Nashinal Gialari a Jumieka fi diskraib self-taat aatis we weh priiviosli refa tu az "Jumiekan Primitiv".[5] Kiapo kansida az wan a di muuvment grietis aatis.[4][6]
Kiapo ded pah di 24t a Febiweri 1989, ah beri ina Nashinal Iiroz Paak.[7]
Anaz
change upWan a Kiapo pientin, "Shainin Spring", eh silek bai di Jumiekan gobament az wedn gif fi di 1981 wedn a Chaalz, Prins a Wielz, ah Liedi Dayana Spensa.[1] Ina 1983, Kiapo wena di fos aatis fi ab wah wuola gialari exkluusiv fi ih wok ina exibishan a di Nashinal Gialari a Jumieka.[5] Ih ana wid di Aada a Distingshan, ah awaad di Naaman Manli Awaad fi Exilens ina di Aats.[7] Ih eh awaad di Mosgriev Guol Medal tu ina 1985 bai di Instityuut a Jumieka. [8]
Refrans
change up- ↑ 1.0 1.1 1.2 "Biographies of Jamaican Personalities (I-N)." Biographies of Jamaican Personalities. National Library of Jamaica. Nuoroda tikrinta 5 May 2014.
- ↑ 2.0 2.1 2.2 2.3 "Mallica "Kapo" Reynolds." American Folk Art Museum. Nuoroda tikrinta 5 May 2014.
- ↑ 3.0 3.1 3.2 3.3 [[{{{authorlink}}}|Poupeye, Veerle]]. "Sound and Vision: Music and sound in the work of Kapo, Everald Brown and Woody Joseph – Part II." National Gallery of Jamaica blog. National Gallery of Jamaica. Nuoroda tikrinta 5 May 2014.
- ↑ 4.0 4.1 [[{{{authorlink}}}|Thomas, Christopher]] (2 May 2011). "Jamaica gets Kapo's works." Jamaica Gleaner. Gleaner Company Ltd.. Nuoroda tikrinta 5 May 2014.
- ↑ 5.0 5.1 Poupeye, Veerle (October 2007). "Intuitive Art as a Canon". Small Axe 11 (3): 73–82. Template:Citation error. http://muse.jhu.edu/journals/smx/summary/v012/12.2poupeye.html.
- ↑ Thomas, Polly; Adam Vaitilingam; Robert Coates (2010). The Rough Guide to Jamaica (5th ed.). London: Rough Guides. p. 63. ISBN 9781848365131.
- ↑ 7.0 7.1 "Great Jamaicans." Visit Jamaica. Jamaica Tourist Board. Nuoroda tikrinta 5 May 2014.
- ↑ "Musgrave Awardees." Institute of Jamaica. Nuoroda tikrinta 6 February 2015.