Paluushan

Paluushan a di inchadokshan a kantaminant ina di nachral invairament we kaaz advoers chienj. Paluushan kiah tek di faam a kimikal sobstans ar enaji, laka naiz, iit ar lait. Paluutant, di kompuonent a paluushan, kiah bi aida farin sobstans/enaji ar nachral okorin kantaminants. Paluushan noftaim klaas az paint suoso ar nanpaint suos paluushan.

Lita prablem pah di kuos a Gayana, 2010

Ienshent kolcha

Ier paluushan eh aazwie akompni sibilaizieshan. Paluushan eh-taat frah prii-istarik taime wen man kriet di fos faya. Askaadn tu a 1983 aatikl ina di joernal Science, "sut we eh-fain pah siilin a prii-istarik kiev provaid ampl evidens a di ai lebl a paluushan we eh-asosiet wid inadikuet ventilieshan a opm faya." Metal fuojin apier fi bi a kii toernin paint ina di krieshan a signifikant ier paluushan lebl outsaida di uom. Kuor sampl a gliesia ina Griinlan indikiet ingkriis ina paluushan asosiet wid Griik, Ruoman ah Chaini metal prodokshan, bot daa taim de di paluushan eh komparativli sumaal ah niecha kuda anggli.

Oerban paluushan

Ier paluushan ina di Yunaitid Stiet, 1973

Wen deh wena bon kuol ah ud, ah kip nof aas ina kansenchrietid ieria iton di sitidem ina sespuul a paluushan. Di Indoschrial Revaluushan bring wah infyuujan a anchriitid kimikal ah wies ina luokal schriim wa eh-saab az waata soplai. King Eduad I a Inggland ban di bonin a sii-kuol bai praklamieshan a Landan ina 1272, afta isumuok eh-bikom a prablem. Bot di fyuil eh so kaman a Ingglan dat dis hoerlies a niem fiit eh-akwaya bikaa ikuda kyaat we frah som shuor bai wiilbaro.

A weh di indoschrial revaluushan we gi boert tu invairamental paluushan az wi nuo i tide. Landan aalso rikaad wan a di hoerlia exchriim kies a waata kualiti prablem wid di Griet Tingk pah di Temz ina 1858, we liid tu kanschrokshan a di Landon siurij sistim suun afta. Paluushan ishu eskaliet az papilieshan gruot for exiid abiliti a nieba'ud fi anggl deh wies prablem. Rifama eh-bigin fi dimaan syuwa sistim, ah kliin waata.