Riil Jiizas Choch
Di Riil Jiizas Choch a wahn indipendant choch we taatop ina Biijing, Chaina ina 1917. Tide, bout 2.5 milian memba ina di choch, frahn faati-iet konchri ahn six difrahn kantinent. Di choch bilangx tu di Pentikastal gruup a Kristianiti we kom bout ina di orli twentiet senchri. Dem a chrai fi priich di gaaspl tu ebribadi ina ebri nieshan bifuo di sekan komin a Jiizas.
Di ten mien dakchrin
change upDi ten mien dakchrin a di choch demya:
Di Uoli Pirit
change upRisiivin di Uoli Pirit, evidens bai piikin ina tong, a di giarantii a wi ineritans a di Kingdam a Ebn.
Baptizam
change upWaata Baptizam a di sakrament fi di rimishan a sin ahn fi rijinarieshan. Di baptizam mos tek plies ina nachral libn waata, laka riba, sii, ar pring. Di Baptis, uu get baptizam a waata ahn di Uoli Pirit aredi, kandok di baptizam ina di niem a di Laad Jiizas Krais. Ahn di smadi a risiiv di baptizam mosi fuli donk ina waata wid ed bou ahn fies dong.
Fut Washn
change upDi sakrament a Fut Washn mek smadi paat a di Laad Jiizas. Isaab az kanstant rimainda se smadi fi ab lob, uolinis, yumiliti, fagivnis ahn saabis. Ebri smadi uu risiiv waata baptizam mos get dehn fut dem wash ina di niem a Jiizas Krais. Myuuchual fut washn maita praktis weneba apruopriet.
Uoli Kamyuunian
change upUoli Kamyuunian a di sakrament fi kamemariet di det a di Laad Jiizas Krais. I heniebl wi fi shier ina di flesh ahn blod a wi Laad ahn fi de ina kamyuunian wid Im so wi kiahn ab itornal laif ahn riezop pahn di Laas Die. Dis sakrament fi huol aafn az pasobl. Onggl wan anlevn bred ahn griep juus fi yuuz.
Sabat Die
change upDi Sabat Die, di sebn die a di wiik (Satide), a Uoli Die, blesid ahn sangtifai bai Gad. I fi absorv anda di Laad gries fi di kamemarieshan a Gad krieshan ahn salvieshan ahn wid di uop a itornal res ina di laif fi kom.
Jiizas Krais
change upJiizas Krais, di Wod uu bikoms flesh, ded pahn di kraas fi di ridemshan a sina, rezarek pahn di tord die ahn asen a ebn. Im a di onggl Siebia a mankain, di Krieta a di ebn ahn ort, ahn di onggl chuu Gad.
Di Baibl
change upDi Uoli Baibl, kansis a di Uol ahn Niuu Testament, inspaya bai Gad, di onggl skripchral chuut, ahn di tandad fi Kristian libn.
Salvieshan
change upSalvieshan gi bai di gries a Gad chruu fiet. Biliiba mos rilai pahn di Uoli Pirit fi fala uolinis, fi hana Gad, ahn fi lob yuumaniti.
Di Choch
change upDi Choch, extablish bai wi Laad Jiizas Krais, chruu di Uoli Pirit juurin di taim a di 'lata rien', a di ristuor chuu choch a di hApastalik taim.
Fainal Jojment
change upDi Sekan Komin a Jiizas wi tek plies pahn di Laas Die wen Ihn disen frahn ebn fi joj di wol: di raichos wi risiiv itornal laif, wails di wikid wi itornali kandem.