Yusien Buolt
Yusien Buolt adawaiz Usain St. Leo Bolt, C.D. baan pah 21 Aagos 1986, a wah faama Jumiekan sprinta ah Olimpix guol medalis. Ih huol di wol rekaad fi di 100 miita, di 200 miita, ah wid ih tiimmietdem, di 4 x 100 miita rilie. Ih huol di Olimpix rekaad fi di wuola di chrii ries. A di 2008 Soma Olimpix, Buolt ton di fos man fi win chrii sprintin ivent a wan singgl Olimpix sens Kaal Luwis (Carl Lewis) ina 1984, ah ih a di fos man fi set wol rekaad ina di wuol chrii ries a wan singgl Olimpix. Ina 2009 Bolt ena di fos man fi huol di 100 ah 200 miita Wol ah Olimpik taikl a di sieh taim.
Buolt afta di 100-miita a di 2008 Olimpix
Posnal infamieshan
Profeshnal infamieshan
Buolt distingguish ihself wid a 200-miita guol medal a di 2002 Wol Juunia Champianship, we mek im di yonggis eba guol medalis. Ina 2004, a di KIARIFTA Giemz, ih eh-bikomps di fos juunia sprinta fi ron di 200-miita ina anda 20 sekan wid taim a 19.93 sekan, fi brok fi Rai Maatn (Roy Martin) juunia rekaad bai tuu-tent a sekan. Ih ton profeshanal ina 2004, mis muos a ih siizn juu tu injri, bot ih kompiit a di 2004 Soma Olimpix. Ina 2007, ih biit fi Danal Kuari (Donald Quarrie) 200-miita Jumiekan nashinal rekaad wen ih ron 19.76 sekan. Ina Mie 2008, Buolt set ih fos 100-miita wol rekaad wid a taim a 19.72 sekan. Ih set wol rekaad ina di 100-miita ah 200-miita ivent a di 2008 Biejing Olimpix: 100-miita rekaad taim a 9.69 sekan ah brok ih uona rekaad a 9.72 sekan; wid a rekaad taim a 19.30 sekan ih brok di uol rekaad a 19.32 sekan set bai Maikal Jansn (Michael Johnson) a di 1996 Soma Olimpix ina Atlanta. Ina Aagos 2009, wan yier afta Biejing Olimpix, ih brok ih uona rekaad agen ina di 100-miita ah di 200-miita. Buolt ron 9.58 ah 19.19 sekan rispektivli a di 2009 Wol Champianship. Ih rekaad brokin maajin ina di 100-miita a di ayis taim sens di staat a dijital taim mejament.
Az a rizolt a Buolt sokses ina hatletix, deh niem im di Laures World Sportsman of the Year fi 2009. Ih achiivmentdem ina sprintin oern im di midia petniem "Laitnin Buolt".
Hanaz
change up| Yier | Toernament | Siti | Rizolt | Ivent | Taim (sekan) |
|---|---|---|---|---|---|
| 2002 | 2002 Wol Juunia Champianship ina Atletix | Kinston | 1 | 200 m | 20.61 |
| 2002 | 2002 Wol Juunia Champianship ina Atletix | Kinston | 2 | 4 x 100 m rilie | 39.15 |
| 2002 | 2002 Wol Juunia Champianship ina Atletix | Kinston | 2 | 4 x 400 m rilie | 3:04.06 |
| 2003 | 2003 Wol Yuut Champianship ina Atletix | Shoerbruk | 1 | 200 m | 20.40 |
| 2006 | 2006 IAAF Wol Kop | Shtutgaat | 3 | 200 m | 20.10 |
| 2006 | 2006 IAAF Wol Atletiks Fainal | Atenz | 2 | 200 m | 19.96 |
| 2007 | 2007 Wol Champianship ina Atletix | Osaka | 2 | 200 m | 19.91 |
| 2007 | 2007 Wol Champianship ina Atletix | Osaka | 2 | 4 x 100 m rilie | 37.89 |
| 2008 | 2008 Soma Olimpix | Biejing | 1 | 100 m | 9.69 WR OR |
| 2008 | 2008 Soma Olimpix | Biejing | 1 | 200 m | 19,30 WR OR |
| 2008 | 2008 Soma Olimpix | Biejing | 1 | 4 x 100 m rilie | 37.10 WR OR |
| 2009 | 2009 Wol Champianship ina Atletix | Boerlin | 1 | 100 m | 9.58 WR CR |
| 2009 | 2009 Wol Champianship ina Atletix | Boerlin | 1 | 200 m | 19.19 WR CR |
| 2009 | 2009 Wol Champianship ina Atletix | Boerlin | 1 | 4 x 100 m rilie | 37.31 CR |
Wol rekaad
change up| Ivent | Diet | Rizolt | Taim (sekan) | Win |
|---|---|---|---|---|
| 100 m | 16 Aagos 2009 | Boerlin | 9.58 WR CR | +0.9 m/s |
| 150 m | 17 Mie 2009 | Manchesta | 14.35 WR CR | +1.1 m/s |
| 200 m | 20 Aagos 2009 | Boerlin | 19.19 WR CR | -0.3 m/s |
| 400 m | 5 Mie 2007 | Kinston | 45.28 |
Extoernal lingk
change up
- Yusien Buolt ofishal websait
- IAAF pruofail fi Yusien Buolt