Paal Buogl
Paal Buogl ONH (baan 1822 an ded 24 Aktuoba 1865) a wahn a di Nashinal Iiro dem a Jamieka a wehn a wah Baptis diikan. A im weh liid wah gruup a piipl frah Morant Bie ina Sin Tamas Parish we ena-pruotes fi get jostis ah fier triitment ina 1865. Dis ya pruotes eh-ton big-big an a we wi nou nuo az di Morant Bie Ribeliyan. [1] Nou afta ih da-liid di ribelian, di British aatariti deh kiapcha im ah eng im fronta di Morant Bie Kuotous.
Stachu ah Paal Buogl
Posnal infamieshan
Profeshnal infamieshan
Muuvment: Morant Bie Ribelian, Blak Libarieta
Paal Buogl a weh gud-gud fren wid wah neda Baptis palitishan man niem Jaaj Wiliam Gaadn uu weh-uon nof lan. A im eh-elp mek Buogl get apaint az di diikan fi Stuoni Got Baptis Choch (Stony Gut Baptist Church) ina 1864. Ina Aagos 1865, Gaadn go tu di British Gobna, Eduad Jan Ier, bout di iipa anfier triitment ah opreshan gens di nigrodem. Deh taim de Buogl ena-fuokos pah ou ih kuda mek laif beta fi di puo piipldem.