Wait a wah iekruomatik kola, dat a kola widoutn hyuu.[1] Ikriet bai mixcha a di friikuensi a aal di koladem a di visibl spekchrom, an a wan a di muos kaman kola ina niecha, di kola a sonlait, sinuo, milk, chaak, laimstuon ah adaels kaman minaral. Ina nof kolcha wait riprizent ar signifai pyuuriti, inasens, ah lait, an a di simbalik apozit a blak, ar daaknis. Askaadn tu soervie ina Yuurop ah di Yunaitid Stiet, wait a di kola muotaim asosiet wid pofekshan, di gud, anisti, kliinis, di bignin, di nyuu, nyuuchraliti, ah egzaktityuud.[2]

Taj Mahal
Wedn kimuono
Delphinapterus leucas
Wait san pah Berneray

Ina ienshent Iijip ah ienshent Ruom, uman-priis eh-wier wait az simbal a pyuuriti, ah Ruomandem eh-wier wait tuoga az simbal a sitiznship. Ina di Migl Iejiz ah Renesans wait yuunikaan simbalaiz chastiti, ah wait lam sakrifais ah pyuuriti; wido a king jres ina wait reda dah blak az di kola a muonin. Sohtaim isimbalaiz rayalti; ah wena di kola a di French kingdem (blak wena di kola fi di kwiin) ah fi di manaakis muuvment afta di French Revaluushan azwel fi di muuvment kaal di Wait Roshan (no fi kanfoun wid Belarus, litarali "Wait Rosha") uu fait di Bolshivikdem juurin di Roshan Sivl Waar (1917–1922). Griik ah Ruoman templ eh-fies wid wait maabl, ah bignin ina di 18t senchri, wid di advent a nioklasikal aachitecha, wait bikom di muos kaman kola fi nyuu choch, kiapitol ah ada gobament bildin, espeshali ina di Yunaitid Stiet a Amoerka. Iweh waidli yuuz azwel ina 20t senchri madan aachitecha az simbal a madoerniti, simplisiti ah chrent.

Wait a impuotant kola fi aalmuos aal wol rilijan. Di Puop, ed a di Ruoman Kiaklik Choch, wier wait sens 1566, az simbal a pyuuriti ah sakrifais. Ina Izlam, ah ina di Shinto rilijan a Japan, iwier bai pilgrim; ah bai di Braamindem ina India. Ina Westan kolcha ah ina Japan, wait a di muos kaman kola fi wedn jres, fi simbalaiz pyuuriti ah voerjiniti. Ina nof Iejan kolcha, wait a di kola a muonin.

Di wait kola pah telivijan skriin ah kompyuuta manita kriet wid di RGB kola magl bai mix red, griin ah bluu lait a iikual intensiti.

Refrans change up

  1. Definition of achromatic Archived 2016-04-24 at the Wayback Machine Oxford English Dictionary, axes 12 April 2016
  2. Eva Heller (2000), Psychologie de la couleur- effets ets symboliques, pg. 130–146