Baabiedoz
| Baabiedoz Barbados | |||
| |||
| In Plenty and In Time of Need | |||
| |||
| Jinaral Infamieshan | |||
| Kiapital: | Brijtong | ||
| Ofishal langwij: | Ingglish | ||
| Adminischrieshan | |||
| Govament: | Yuniteri paalimenchri kanstityuushanal ripoblik | ||
| • Prezident: | Dame Sandra Mason | ||
| • Praim Minista: | Mia Mottley | ||
| Ieria: | 439 km² | ||
| Papilieshan: | 281 998 (2023) | ||
| Densiti: | 660 | ||
| Adaels sitn | |||
| Koransi: | Babiedian dala (BBD) | ||
| Kaalin kuod: | +1 -246 | ||
| ISO 3166 kuod: | BB | ||
| Intanet TLD: | .bb | ||
.svg)
Baabiedoz de iis a di Kiaribiyan Sii, an a wah indipendant kantinental ailan nieshan ina di Westan Atlantik Uoshan. Ide bout 13° naat a di ikwieta ah 59° wes a di praim meridian; istil kansida paat a di Lesa Antiliiz. Di ailandem we kluosis tui a Sin Vinsn ah di Grenidiinz, ah Sin Luusha tu di wes. Chrinidad ah Tubiego de tu di sout, ah nou ab set maritaim baada wid Baadiedoz. Di tuotal lan ieria a bout 430 skwier kilamita (166 skwier mail). Baabiedoz lan muosli flat, wid soh fyuu aya ieria ina di migl a di konchri. Di ayis paint a Mount Ilabi ina Sint Anju Parish.
Di jaalajikal kompozishan a Baadiedoz a frah non-volkianik arijin, ah mekop a muosli laimstuon-karal faam ina sobdokshan a di Sout Amoerkan pliet we kalaidop ina di Kiaribiyan pliet. Di ailan ab chrapikal klaimit, wid chried win aafa di Atlantik Uoshan we kip di tempicha mail. Som a di lesa divelop paat a di konchri ab chrapikal udlan ah manggruov. Ada paat a di inlan we di agrikolchral indoschri fuokos ab wuoliip a shuga kien estiet ah waid, jengkl sluopin paascha lan, we ab bunununus vyuu dong tu di kuos.
Baabiedoz ab wah ai Yuuman Divelopment Index. Ina 2006, irangk 31s ina di wuol wol, an tod ina di Amoerkaz, biyain Kianada ah di Yunaitid Stiet.