Kyuuba

Di Ripoblik a Kyuuba (IPA: /ˈkjuːbə/, Panish: Cuba), kansis a di ailan a Kyuuba (di laajis ah sekan-muos papilos ailan a di Grieta hAntiliiz), Isla de la Huventud ah sebral ajiesent sumaal ailan. Kyuuba lokiet ina di nadan Kiaribiyan a di kanfluens a di Kiaribiyan Sii, di Golf a Mexico ah di hAtlantik Uoshan. Kyuuba de sout a di hiistan Yunaitid Stiet ah di Ba'aamaz, wes a di Toerx ah Kiekos Ailanz ah Ieti, ah hiis a Mexiko. Di Kieman Ailanz ah Jumieka de tu di sout. Di nashinal flowaz a di flor de mariposa (botaflai flowaz) ah di nashinal bud a di Tokororo ar Kyuuban Chrogon.